Bədəndə duz çatışmazlığının təhlükəli əlamətləri açıqlandı

Qida rasionundan duzun tamamilə çıxarılması ölümcül dərəcədə təhülkə yaradır. Natriumun kəskin çatışmazlığı sinir pozğunluqlarına və ürək xəstəliklərinə gətirib çıxara bilər.
BiG.AZ rus mətbuatına istinadən xəbər verir ki, bu barədə həkim-dietoloq Yevgeniya Oqanezova deyib.
Onun sözlərinə görə, bir çoxları sağlamlığı qorumaq üçün duzdan imtina edirlər. Lakin duzun azlığı orqanizmə daha az təhlükəli deyil.
"Duz çatışmazlığı depressiyaya, sinir və psixoloji xəstəliklərə, həzm və ürək-damar sistemi pozğunluqlarına, anoreksiya kimi xəstəliklərə səbəb olur. Bədəndə digər mikroelementlər kimi duz təşkil edən ionların çatışmazlığı ölümcül nəticələrə gətirə bilər" - deyə həkim xəbərdarlıq edib.
Məlumata görə, natrium ionları mədə şirəsinin vacib komponenti olan xlorid turşusunun istehsalına kömək edir. Natrium duzlarının olmaması daimi zəiflik və artan yorğunluq hissi yaradır. Bəzi hallarda duz çatışmazlığı depressiyanın inkişafında həlledici amillərdən biri ola bilər.