Xurma ağızbüzəndirsə... - Dadlı xurmanı necə seçək?

Xurma ən faydalı meyvələrdəndir. Bəziləri yumşaq xurmaları sevir, bəziləri alma kimi bərk olanları. Lakin bu meyvə tam yetişmədikdə ağız büzür və heç də yeyiləsi olmur. Bəs yaxşılarını necə seçək və ya aldığımız xurmalar yaxşı çıxmasa, nə edə bilərik?

MAY.AZ lenta.ru-ya istinadən oxuculara bu barədə bir neçə məsləhət vermək istəyir.

Ağız büzməyən növlər kəsildikdə yumru və ya dördkünc formada olur. Adətən onlar daha tünd rəngdə, bərk və xırçıldayan olur, qaldıqca yumşalmır.

Konus formasında olanlar isə ağız büzən növə aiddir. Tam yetişdikdə onlar çox yumşalır.

Ağız büzməməsi üçün xurma tam yetişməlidir. Bunun üçün onu paketə qoyub bir neçə gün saxlamaq lazımdır. Prosesi daha da tezləşdirmək üçün həmin paketə etilen ifraz edən meyvələrdən - banan, yaxud alma - qoymaq olar.

Büzücü effektdən qurtulmağın daha bir yolu - xurmaları qaynar suda saxlamaqdır.

Onları dondurmaq da bu məsələdə faydalı ola bilər.