AZ
RU
EN
Mütəxəssislər hesab edir ki, limon, soda və sirkə kimi təbii vasitələrdən istifadə həm sağlamlıq risklərini azaldır, həm də daha ekoloji yanaşmadır. Kimyəvi təmizləyicilər çox vaxt aqressiv maddələrdən ibarət olsa da, limon evdə təmiz, təhlükəsiz və qənaətcil alternativ yaradır.
Lent.az limon vasitəsilə təmizlik üçün sadə üsulları təqdim edir.
Mikrodalğalı soba üçün: Bir stəkan suya bir limon dilimi və ya bir neçə damcı limon suyu əlavə edin, bir neçə dəqiqə qızdırın və sobanın içini yaranan buxar yumşaldıqdan sonra silin. Bu həm çirki təmizləyir, həm də xoş ətir yaradır.
Yataq dəstləri üçün: Yuyulmazdan əvvəl parçanı isti suda yarım stəkan limon suyu ilə islatmaq təravəti və ağlığı qorumağa kömək edir.
Hava spreyi: Mətbəx qoxularını aradan qaldırmaq üçün su və bir neçə damcı limon suyundan hazırlanan sprey istifadə oluna bilər. Lakin mərmər səthlərə tətbiq etmək tövsiyə edilmir, limon turşusu daşın strukturunu zədələyə bilər.
Mətbəx üçün ağıllı tətbiqlər
Kəsim taxtası üçün: səthə üçdə bir stəkan duz səpin, 10 dəqiqə gözlədin, yarım limonla sürtün və isti su ilə yuyun, taxta təbii şəkildə dezinfeksiya olunur.
Limon ləkələrə qarşı
Tomat sousu kimi çətin ləkələrdə də limon kömək edə bilər. Ləkəni əvvəl soyuq su ilə silin, sonra bir limon dilimi ilə ovun. İz azaldıqdan sonra yenidən su ilə durulayıb təmiz parça ilə qurulamaq tövsiyə edilir.
Pis qoxular üçün sadə həll
Soyuducu və zibil qutusu kimi qoxunun toplandığı yerlərdə limon səmərəli nəticə verir: bir neçə damcı limon suyu isladılmış pambıq diskin soyuducunun arxa hissəsinə və ya zibil qabının dibinə qoyulması tədricən pis qoxuları aradan qaldırır.
