Среда
июн 08

Tibb Universitetindən şortik qadağası - FOTO

Azərbaycan Tibb Universitetində (ATU) tələbələrinə geyimlə bağlı yeni qayda tətbiq edilib. Belə ki, Ali təhsil müəssisəsi təhsil alanların geyiminə müəyyən qadağalar qoyub.
BiG.AZ xəbər verir ki, universitetin yeni geyim qaydalarını əks etdirən elan sosial şəbəkələrdə yayılıb. Yazıda "İctimai qaydalara uyğun olaraq, əsaslı kitabxanaya qısa şalvarda (şortikdə), maykada gəlmək qəti qadağandır" sözləri qeyd edilib.
Oxu.Az məsələ ilə bağlı ATU-nun mətbuat xidmətinin rəhbəri Günel Aslanova ilə əlaqə saxlayıb. O, bildirib ki, yayılan elanda qeyri-adi heç nə yoxdur:
"Cəmiyyətin qaydalarına bir dəvətdir, qərardır. Hətta ictimai yerlərdə geyim qaydalarına uyğun olan normativlər var. Bura təhsil müəssisəsidir, daxili nizam-intizam qaydalarımız var. Bu qaydalara uyğun olaraq, müəyyən məsələlərin tənzimlənməsi normal haldır. Biz bu məsələyə tələbələrin dərsə davamiyyəti kimi baxırıq.
Sizə bir misal da çəkim. Bir insanın azadlığı digərinin hüquqları başlayan yerə qədərdir. Yəni kiminsə hansısa geyimi özü üçün məqbul hesab etməsi digərinin etirazı ilə normal yanaşma həddinə qədərdir. Biz bir tələbə istədiyi kimi geyinsin deyə digər tələbələrin mövqeyini görməzdən gələ bilmərik".

Комментарии (0)

Оставить комментарий