Uzun və sıx kirpiklərə sahib olmaq üçün nə etməliyik?

Kirpiklərinizi evdə gücləndirə və daha qalın və uzun edə bilərsiniz. Bunun üçün ekspertlər ilk növbədə pəhrizi nəzərdən keçirməyi və lazım gələrsə, təbii yağlar və vasitələrdən istifadə edərək kirpiklərə qulluq etməyə başlamağı məsləhət görürlər,


Lent.az xarici mətbuata istinadən xəbər verir ki, mütəxəssislərin fikrincə, A və B vitaminləri, sink, dəmir çatışmazlığı kirpiklərin tökülməsinə səbəb ola bilər. Məhz bu səbəbdən qida rasionuna yerkökü, balqabaq, çuğundur, çovdar çörəyi və yağlı balıq əlavə etmək vacibdir.


Təbii yağlar kirpiklərin böyüməsi üçün də istifadə edilə bilər. Gündə bir dəfə tərkibində vitamin kompleksləri, amin turşuları, biopeptidlər, antioksidantlar və müxtəlif ekstraktlar olan kirpik böyüməsi serumlarından istifadə etmək faydalıdır.


Mütəxəssislər həmçinin bimatoprost və latanoprost kimi bəzi oftalmik dərmanların kirpik sıxlığını və uzunluğunu artırmağa kömək etdiyini iddia edirlər.