Britni Spirs surroqat ana axtarır - FOTO

Yaz aylarında dünya şöhrətli, 40 yaşl müğənni Britni Spirs və onun gənc həyat yoldaşı, 28 yaşlı fitnes məşqçisi Sem Əsgəri uşaqları olacağı barədə ictimaiyyətə xəbər vermişdilər. Lakin müğənninin bu sevinci çox çəkmədi və yenidən ana olmaq həvəsi ürəyində qaldı: cəmi bir ay sonra o, uşağının düşdüyü barədə ictimaiyyətə bildiridi. Britni sağlamlığında olan problemlərə görə hazırda müalicə alır və özü uşaq doğa bilmədiyi üçün surroqat ana axtarışındadır.

BiG.AZ xarici mətbuata istinadən xəbər verir ki, bu barədə ailəyə yaxın mənbədən bildirilir.
Cütlüyün surroqat ananı hansı yolla axtaracağı və nə zaman onun xidmətindən istifadə edəcəyi barədə məlumat yoxdur. Spirsin müalicəsinin nəticə verəcəyi və özünün dünyaya uşaq gətirə biləcəyi ehtimalı hələ də var.
Britni və Sem mətbuatda yayılan bu şayiələrə rəsmi şəkildə münasibət bildirməyiblər.
Xatırladaq ki, "Grammy" mükafatının sahibi olan müğənninin, keçmiş həyat yoldaşı, rəqqas Kevin Federlayndan iki oğlu var: 17 yaşlı Şon və 16 yaşlı Ceyn Ceyms. Lakin bu uşaqlar ataları ilə qalır və artıq bir neçə aydır ki. anaları ilə danışmırlar.