Britni Spirsi canlandırmaq istədiyini açıqladı

18 yaşlı ingilis aktrisa Milli Bobbi Braun sənədli filmdə amerikalı müğənni Britni Spirs rolunu oynamaq istədiyini açıqlayıb.
BiG.AZ xəbər verir ki, bu barədə "The Independent" məlumat yayıb.
"The Stranger Things"in ulduzu bildirib ki, müğənninin hekayəsinin onunla eyniləşir: "Mən əsl insan obrazını oynamaq istəyirəm. Düşünürəm ki, mənim üçün bu rol Britni Spirs ola bilər".
Aktrisa deyib ki, bu rolun öhdəsindən gələ biləcəyinə inanır.
"O, kütlənin gözü qarşısında böyüyüb. Balaca olanda mən onun videolarına, müsahibələrinə baxmışam. Mən onu tanımıram, amma onun şəkillərinə baxanda onun hekayəsini bildiyimi hiss edirəm", - deyə Milli Bobbi Braun əlavə edib.
Nuranə