Bella Hadidin profili Fələstinlə bağlı paylaşımına görə bloklanıb

İnstaqram sosial şəbəkəsi dünyaca məşhur model Bella Hadidin profilini bloklayıb.
Axşam.az xəbər verir ki, bu haqda model özü məlumat yayıb. O bildirib ki, buna səbəb onun Fələstinlə bağlı paylaşımları olub.
"İnstaqramda nə vaxt Fələstinlə bağlı paylaşım etsəm, hekayələrim bloklanır" deyə, Bella vurğulayıb.
Model əlavə edib ki, paylaşımlarını izləyicilərinin əksəriyyəti görmür. Məşhur model qeyd edib ki, sonuncu dəfə İsrail polisinin Məscidi Əqsaya hücumu barədə paylaşım edib. B.Hadidin izləyiciləri instaqrama etiraz ediblər.