"Azərbaycanda ailəli olmayan qadınlar süni mayalanma etdirə bilməz" - Deputat

Bizim WhatsApp kanalımıza buradan abunə ola bilərsiniz

Milli Məclisdə “Reproduktiv sağlamlıq haqqında” qanun layihəsini hazırlanır. Bu qanunun tezliklə müakirəyə çıxarılması gözlənilir.



Bununla bağlı MAY.AZ-a açıqlama verən deputat Kamilə Əliyeva bildirib ki, Milli Məclisin Səhiyyə Komitəsində “Reproduktiv sağlamlıq haqqında” qanun layihəsini üzərində işlər gedir: “Hələlik bu qanun qüvvəyə minməyib. Həmin qanunda süni mayalanma məsələsi də öz əksini tapacaq. Çalışacağıq ki, həmin qanunla ildə bir dəfə övlad sahibi ola bilməyən ailə dövlət hesabına süni mayalanma etdirə bilsin. Təbii ki, bu, ailəli insanlara şamil olunacaq. Ailə qurmayan insan necə süni mayalanma etdirə bilər? Bu, milli dəyərlərimizə də uyğun gəlmir. Heç vaxt belə bir şey ola bilməz. Çünki ailə planlaşdırılması deyilən bir məsələ var. Ailə qurmayan insanın bu yolla övlad sahibi olması bizim dəyərlərimizə uyğun hərəkət deyil. Yəqin ki həmin qanunda da bu məsələ öz əksini tapacaq”.