Hindistanda aqressiv meymunlar kəndi "işğal etdilər"

Hindistanın Cammu və Kəşmir mübahisəli ərazisində makaka meymunları kəndi ələ keçiriblər və yerli sakinlərə hücum edirlər.

Oxu.Az-ın xəbərinə görə, bu barədə "Daily Excelsior" nəşri məlumat verib.

Aqressiv primatlar son illərdə makaka populyasiyasının əhəmiyyətli dərəcədə artdığı Caqanu kəndinin sakinlərinə hücum etməyə başlayıblar, lakin hakimiyyət buna nəzarət etmək üçün heç bir tədbir görməyib.

İndi sakinlər şikayət edirlər ki, hər dəfə kimsə çölə çıxanda heyvanların hücumuna məruz qalma riski ilə üzləşir. İnsanlar, həmçinin öz məhsullarından da ehtiyat edirlər, çünki makakalar məhsullara da hücum edirlər.

Caqanu sakinləri hakimiyyətdən problemin həll olunmasını tələb edirlər.