AZ
RU
EN
Məşhur "İnstagram" sosial şəbəkəsində gizli profillərə daxil olmaq üçün istifadə olunan yeni "Ghosty" proqramı bəzi istifadəçilər tərəfindən maraqla qarşılansa da, bir çoxlarının etirazlarına səbəb olub.
MAY.AZ-ın superhaber.tv-yə istinadən verdiyi xəbərə görə, təhlükəsizlik qaydalarını pozduğu üçün hazırda proqram problemlərlə üzləşib.
Belə ki, istifadəçilərinin şəxsi məlumatlarına təhlükə yaratdığı üçün "İnstagram" bu məsələni məhkəmədə həll etməyi planlaşdırır.
Qeyd edək ki, "Ghosty" proqramı qısa müddətdə "Google Play Store"da yüklənmə rekordu qırıb. Bu yaxınlarda silinənədək 500 mindən çox yükləmə qeydə alınıb.
Onun vasitəsilə istifadəçilər heç bir iz buraxmadan "ruh kimi" gizli profilləri izləyərək, paylaşımlarını görə bilir.
Sözügedən tətbiqi yükləyən istifadəçilər, "Instagram" hesabı ilə sistemə daxil olurlar. Lakin proqrama daxil olduqda, izlənilən gizli hesabların profilləri ilə yanaşı, istifadəçilərin öz profilləri də qeydə alınır. Bununla da "Ghosty"dən istifadə edən şəxs həm özünün, həm izlədiyi şəxslərin məlumatları üçün təhlükə yaradır.
Ghosty View Hidden Instagram Profile [3.3 mb]
