Пятница
сен 23

"iPhone 14"ün təmir xərcləri nə qədərdir? - ŞOK QİYMƏT

"iFixit" mütəxəssisləri yeni "iPhone 14" və "iPhone 14 Pro Max" smartfonun davamlılığını qiymətləndiriblər.
BiG.AZ lent.az-a istinadən xəbər verir ki, bu barədə şirkətin şəxsi "YouTube" kanalında yer alan videoda bildirilib.
Mütəxəssislər smartfonun dayanıqlılıq dərəcəsinin yoxlanılması üçün "iPhone 14 Pro Max"ı söküblər. Məlum olub ki, "iPhone 14"dən fərqli olaraq bu smartfonda üst flaqmanda cihazın tez təmir olunmasının qarşısını alan köhnə dizayndan istifadə edilib.
Smartfonun ən bahalı elementi isə arxa şüşə panelidir. Həvəskarlar panelin təmir qiymətindən şoka düşüblər. Rəsmi "Apple" xidmət mərkəzlərində onun təmiri 549 dollara (933 manat) başa gəlir. Müqayisə üçün deyə bilərik ki, "iPhone 14 Pro Max"ın öz qiyməti isə 1099 dollardır (təxminən 1868 manat).
Bundan əvvəl isə "iFixit" mütəxəssisləri yeni "iPhone 14"ün davamlılığını da yoxlamışdılar.
Onlar cihazın yüksək texniki xidmət qabiliyyətini yüksək qiymətləndiriblər. Bu smartfonun təmiri üçün ön panelin çıxarılmasına ehtiyacı olmadığı da bildirilib.

Комментарии (0)

Оставить комментарий