AZ
RU
EN
Gərgin iş günündən sonra insanlar yorgunluqlarını çıxamaq üçün müəyyən vasitələrdən istifadə edir. Kimisi kitab oxuyur, musiqi dinləyir, maraqlı kinolara baxır, kimisi də teatrlara üz tutur. Teatr bir mədəniyyət müəssəsidi və bura ayaq basan insan onun aurasına düşməlidi. Bu gün Azərbaycanda teatrların vəziyyəti necədir, insanların zövqünü oxşaya bilirmi, ümumiyyətlə teatrlara gedirlərmi?
Mövzu ilə bağlı BiG.AZ-a açıqlama verən Azərbaycan Respublikasının əməkdar artisti Anar Heybətov bildirdi ki, 90-cı illərdə tamaşalarda obrazlar canlandırdığımız zaman çox az tamaşaçı görürdük:
"Bəzi tamaşalarda ümumiyyətlə tamaşaçı olmurdu, bilet alınmırdı. Lakin bu gün sevindirici haldır ki, tamaşalara bilet tapılmır. Elə götürek bizim son günlərdə səhnəyə qoyulan Hüseyn Cavid yaradıcılığından "İblis və..." tamaşasını. Bu gün sayıtlara baxdığımızda sevilərək izlənən tamaşaların biletləri demək olar ki, 3 gün öncədən bitir.
Bu da inkişafdan və teatra olan marağın artdığından xəbər verir".
