Türkan: "Oğlumuz" ifadəsini sözgəlişi işlətmişəm"
{if-image-1}
Müğənni Türkan Vəlizadə bu gün ATV kanalında yayımlanan "Zaurla Günaydın" verilişində işlətdiyi "oğlumuz" ifadəsindən sonra doğan söz-söhbətə aydınlıq gətirib.
Bu haqda danışan müğənni bildirib ki, onun fikirləri təhrif olunub:
"Mən Pərvizin oğlu üçün verilişdə "oğlumuz" ifadəsini sözgəlişi işlətmişəm. Bu, o demək deyil ki, onu mən dünyaya gətirmişəm. Necə ki, dilimizdə başqalarının doğmalıq duyduğumuz övladlarına "oğlumuz, qızımız" deyirik, mən də o mənada dedim. Bunu niyə bu qədər şişirtdilər, anlaya bilmirəm. Pərvizin oğlunun anası öz həyat yoldaşıdır, mən deyiləm".
Söhbət əsnasında müğənni ailəli olmadığını, üstəlik də dünyaya övlad gətirmədiyini dilə gətirib.(milli)