Bu il ana, ata və nənə olanlar - SİYAHI

Bitməsinə sayılı günlər qalan 2019-cu ildə sənət aləmində boşanmalar, ailə qurmalarla yanaşı, övlad sahibi olanlar da gündəmə gəlib.

Axşam.az bu dəfə bu il ana, ata və nənə olanların siyahısını təqdim edir:

"Eurovision" təmsilçilərimizdən olan Safurə Əliyevanın üçüncü övladı doğulub. Mərhum Energetika Naziri Natiq Əliyevin oğlu Fərhad Əliyevlə ailəli olan Safurə oğluna Natiq Əliyev adını qoyub.

Müğənni Xuraman Şuşalı da bu il ana oldu. Onun dördüncü övladı dünyaya gəlib. Xuramanın hazırda iki oğul, iki qız övladı var.

Rejissor Ülviyyə Könül isə nənə olub. Onun əcnəbi vətəndaşla ailə quran qızı Könülün oğlu dünyaya gəlib.

Müğənni Natavan Həbibi bu ilin mayında ana olub. Reper Dado ilə ailəli olan sənətçi oğluna Zeyd Əli adını qoyub.

Müğənni Aytac Vidadiqızı ikinci dəfə ana olub. Onun oğlu olub.

Müğənni Elnar Xəlilov və şairə Aysel Nəcəflinin oğlu doğulub.

Şahmatçı Şəhriyar Məmmədyarov ikinci dəfə ata olub.

Müğənni Zamiq Hüseynovun da bu il oğlu dünyaya gəlib. O, oğluna Zeyn adını qoyub.

Müğənni Vüsal Əliyev bu ilin sentyabrında ata olub.

Aparıcı Murad Əzimzadə də 2019-cu ildə ata olanlar siyahısındadır. O, oğluna Atilla adını qoyub.

Müğənni Tunar Rəhmanoğlu da bu il oğul atası olub. İfaçı övladına atası Rəhmanın adını qoyub.