Rihanna 6 ildən sonra bunu etdi

Məşhur müğənni Rihanna yeni mahnısının anonsunu verib.
BiG.AZ xəbər verir ki, "Variety" məlumat yayıb.
"Qara pantera" filminin saundtreki qismində səsləndiriləcək "Lift Me Up" mahnısı oktyabrın 28-də təqdim olunacaq.
Bildirilib ki, bu, Rihannanın sol 6 ildə buraxdığı ilk solo mahnısı olacaq.
Qeyd edək ki, Rihannanın sonuncu albomu 2016-cı ildə çıxıb. Onun buraxılışından sonra ifaçı musiqi karyerasını dayandıraraq özünü biznesə həsr edib. O, 2017-ci ildə "Fenty Beauty" kosmetika brendini, daha sonra isə "Savage x Fenty" markasını təsis edib. 2018-ci ildə isə "Forbes" jurnalı onu dünyanın ən çox qazanan qadın müğənnilərinin reytinq sırasına daxil edib.