Ömrü uzatmağın ƏN EFFEKTİV YOLU

ABŞ-ın Con Hopkins Universitetinin neyrobioloqu Mark Mattson fasilələrlə ac qalmağı səhhətin yaxşıaşması və ömrün uzanması üçün ən effektiv üsullardan biri hesab edir.

BiG.AZ-ın lenta.ru-ya istinadən verdiyi xəbərə görə, bu barədə "EurekAlert !" yazır.

Alim müvəqqti aclığın insan və heyvan orqanizminə təsirinə dair elmi nəşrləri araşdırıb.

Bu tip pəhriz iki kateqoriyaya bölünür: gündəlik (gün ərzində 6-8 saat ac qalmaq) və həftəlik (5:2 rejimiylə 5 gün ac qalıb 2 gün orta həcmdə qidalanmaq).

İnsanlar və heyvanların iştirakıyla keçirilən çoxsaylı təcrübələr göstərir ki, qidalanmanı məhdudlaşdırmaq hüceyrələrin sağlamlığını təmin edərək, onları metabolik keçid yolu ilə qida çatışmazlığı dövrlərinə adaptasiya edir. Bu vəziyyətdə hüceyrələr karbohidratlar şəklində yığılan enerjini sərf edirlər və yavaş-yavaş yağları "əritməyə" başlayırlar.

Nəticədə qanda şəkərinin tənzimlənməsi yaxşılaşır, stressə qarşı müqavimət artır və iltihab aradan gedir.

Bu növ pəhriz qan təzyiqini, qan lipidlərini və dinc vəziyyətdə ürək döyüntüsünü azaldır.

Yüzlərlə artıq çəkili qadınların iştirakıyla aparılan araşdırma nəticəsində məlum olub ki, 5: 2 rejiminə riayət edənlərdə arıqlamaqdan əlavə, insulin həssaslığının göstəriciləri yaxşılaşıb və visseral yağların həcmi azalıb.

Digər elmi araşdırmalar aclığın zehni qabiliyyətlərə də müsbət təsirini sübut edir.

Natəvan Baxşiyeva