Xərçəngə qarşı badımcan kürüsü

Badımcan kürüsü xərçəng riskini azaldır.
Medicina.az xəbər verir ki, bu açıqlama ilə tanınmış rusiyalı nevroloq Dmitri Şubin çıxış edib.
"Badımcan bənövşəyi rəngdədir. Parlaq rəngə sahib olan hər-hansı bir tərəvəz və ya meyvə çox spesifik funksiyaya malikdir", - deyə həkim əlavə edib.
Onun sözlərinə görə, tərəvəzin tərkibində xərçəng hüceyrələrinin böyüməsinin qarşısını alan antosiyanin maddəsi var.
"Badımcan kürüsünün inqrediyentləri siyahısında isə əlavə olaraq pomidor, yerkökü, şirin bibər, soğan və sarımsaq olur. Bu tərəvəzlər xərçəng əleyhinə təsirə malikdir", - deyə ekspert vurğulayıb.
O, həmçinin badımcan kürüsünün tərkibində K vitamini olan göyərti olduğunu qeyd edib.
"Bu vitamin isə sümüklərin daxili möhkəm karkasının formalaşmasında iştirak edir", - deyə Şubin sözlərini yekunlaşdırıb.