“Gürcüstan hakimiyyəti ətrafındakıların Saakaşvilini zəhərləyəcəyindən qorxur”

“Gürcüstan Ədliyyə Nazirliyinin Xüsusi Penitensiar Xidməti insanların respublikanın eks-prezidenti Mixail Saakaşvili ilə görüşməsinə icazə verməklə çox ehtiyatlı davranır, çünki onlar öz çevrəsindən olan şəxslərin siyasətçini zəhərləyəcəyindən qorxurlar”.
“Qafqazinfo” xarici KİV-ə istinadən xəbər verir ki, bunu sabiq dövlət başçısının müalicə aldığı “Vivamed” klinikasının baş direktoru Nino Nadiradze “İmedi” telekanalına müsahibəsində deyib.
“Penitensiar sistem o qədər qorxur ki, təhlükəsizlik tədbirlərini xeyli gücləndirib. Anladığım qədər, bu baxımdan təhlükə çox böyükdür”, - Nadiradze bildirib.
Onun sözlərinə görə, eks-prezidentin özünün, ailə üzvlərinin və vəkillərinin onun zəhərlənməsi ilə bağlı iddiaları yalandır.