AZ
RU
EN
"Azərpoçt" MMC tərəfindən "Qarabağ Azərbaycandır!" mövzusunda markalı zərflər dövriyyəyə buraxılıb.
"Azərpoçt" MMC-dən BiG.AZ-a verilən məlumata əsasən, zərflərin üzərində Azərbaycan xəritəsi, Azərbaycan və ingilis dillərində "Qarabağ Azərbaycandır!" şüarı əks olunub. Üz tərəfin fonunda isə hərbi kamuflyaj təsvir edilib.
Sözügedən zərflər sadə, sifarişli və sifarişli-xəbərnaməlidir. Sadə zərflərin markasında işğaldan azad edilən Cəbrayıl rayonu ərazisində yerləşən Xudafərin körpüsü, sifarişli zərflərin markasında Ağdam rayonunun Xaçındərbətli kəndində yerləşən və 1314-cü ilə aid Qutlu Musa türbəsi, sifarişli-xəbərnaməli zərflərin markasında isə Şuşa şəhərinin gerbi təsvir olunub.
Qeyd edək ki, zərflərin dizaynı "Azərmarka" MMC-nin əməkdaşı Anar Mustafayev tərəfindən hazırlanıb.
