Yatmazdan əvvəl dişlərinizi fırçalamağı unutmaq, nəyə səbəb ola bilər?

Həkimlər dişlərinizi fırçalamağı unutmağınız ağız boşluğunda böyük problemlərə yol açacağını bildirib.

Lent.az xarici KİV-ə istinadən xəbər verir ki, daimi diş baxımı uzun illər sağlamlıq sərmayənizdir.
Dişlərin müntəzəm fırçalanması sadəcə rutin vərdiş deyil, ağız boşluğunun və bütün orqanizmin sağlamlığının qorunmasında mühüm addımdır.
Ağız, xüsusilə yeməkdən sonra bakteriyalar üçün ideal bir mühit yaradır. Diş çürüməsinin əsas günahkarı qida qalıqları ilə qidalanan və turşular istehsal edən Streptococcus mutans bakteriyasıdır. Bu turşular diş minasını məhv edərək diş çürüməsinə və diş ətinin iltihabına səbəb olur.