İran futbolunda 38 illik qadağa aradan qaldırılır

Qərarın qüvvəyə minməsi üçün İran hökumətinin razılığı lazımdır

BiG.AZ report-a istinadən xəbər verir ki, İran Futbol Federasiyası qadınların 2022-ci il dünya çempionatının oyunlarını tribunadan izləməsinə razılıq verib.

“Punch” nəşri xəbər verir ki, milli assosiasiyanın rəhbəri Medi Taca FIFA prezidentu Canni İnfantinonun bununla bağlı məktubuna müsbət cavab verib.

Qərarın qüvvəyə minməsi üçün İran hökumətinin razılığı lazımdır.

Qeyd edək ki, 1981-ci ildən etibarən İranda qadınların futbol matçlarına gəlməsinə qadağa qoyulub. Bu ölkənin yığması DÇ-2022-nin seçmə mərhələsində İraq, Bəhreyn, Kamboca və Honkonqla bir qrupda yer alıb.