Yeni tədris ilinin ilk günündə paytaxt yollarda vəziyyət necədir?

Yeni tədris ilinin başlanması ilə əlaqədar Daxili İşlər Nazirliyinin (DİN) Nəqliyyatı İntellektual İdarəetmə Mərkəzinin əməkdaşları tərəfindən təhsil ocaqlarının yaxınlığında sıxlıq və tıxacın yaranmasının qarşısını almaq üçün tədbirlər həyata keçirilir.

Bu barədə Oxu.Az-a DİN-in Nəqliyyatı İntellektual İdarəetmə Mərkəzindən bildirilib.

Bu məqsədlə səhər saatlarından başlayaraq paytaxtın 10 prospektində və 16 küçəsində svetoforlara "yaşıl dalğa" tətbiq edilir. Həmin küçə və prospektləri təqdim edirik:

1. Mətbuat prospekti;

2. Xətai prospekti

3. Tbilisi prospekti;

4. İnşaatçılar prospekti;

5. Azadlıq prospekti;

6. Atatürk prospekti;

7. 8 Noyabr prospekti;

8. Səməd Vurğun küçəsi;

9. Abbasqulu ağa Bakıxanov küçəsi;

10. Süleyman Rəhimov küçəsi;

11. İzəddin Həsənoğlu küçəsi;

12. Mikayıl Müşfiq küçəsi;

13. Məhəmməd Füzuli küçəsi;

14. Rəşid Behbudov küçəsi;

15. Koroğlu Rəhimov küçəsi;

16. 28 May küçəsi;

17. Yusif Səfərov küçəsi;

18. Ak. Həsən Əliyev küçəsi;

19. Dilarə Əliyeva küçəsi;

20. Molla Pənah Vaqif prospekti;

21. Əbdüləzəl Dəmirçizadə küçəsi;

22. "20 Yanvar" dairəsi.

"Hazırda paytaxtın müxtəlif küçə və prospektlərində yerləşən təhsil ocaqlarının yaxınlığında yollarda sıxlıq yaranmaması məqsədilə tədbirlər görülür. Gücləndirilmiş iş rejimində çalışan DİN-in Nəqliyyatı İntellektual İdarəetmə Mərkəzinin əməkdaşları yol polisi ilə mütəmadi əlaqədədir", - qurumdan qeyd edilib.

Hazırda sıxlıq olan yolların siyahısını təqdim edirik:

1. Bakı-Sumqayıt şosesi, "20 Yanvar" metro stansiyası istiqamətində;

2. Tbilisi prospekti, "20 Yanvar" metro stansiyasından mərkəz istiqamətində;

3. Ziya Bünyadov prospekti, Müzəffər Nərimanov küçəsi ilə kəsişmədən "20 Yanvar" metro stansiyası istiqamətində;

4. Xətai prospekti, Heydər Əliyev prospekti istiqamətində;

5. Binəqədi şosesi, "Azadlıq prospekti" metro stansiyasından Binəqədi qəsəbəsi istiqamətində;

6. 28 May küçəsi, Puşkin küçəsi ilə kəsişmədən Rəşid Behbudov küçəsi ilə kəsişməyə qədər;

7. Rəşid Behbudov küçəsi, Mərkəzi Bank istiqamətində;

8. Bakıxanov küçəsi, İnşaatçılar prospekti ilə kəsişmədən "Dədə Qorqud" parkı istiqamətində sıxlıq müşahidə olunur.