“Sahil” metrostansiyasının açılacağı dəqiq tarix məlum oldu

Metronun ən çox istifadə edilən stansiyalarından biri olan “Sahil” uzun müddətdir ki, təmirə bağlanıb. Sözügedən stansiyanın nə vaxt açılacağı isə sərnişinləri maraqlandıran əsas suallardan biridir.

Suala cavab tapmaq üçün BAKU.WS “Bakı Metropoliteni” QSC-nin mətbuat xidməti və ictimaiyyətlə əlaqələr şöbəsinin rəisi Nəsimi Paşayevlə əlaqə saxlayıb.

N.Paşayev bildirib ki, hazırda həmin istiqamətdə gedən işlər artıq yarıya çatıb. “Sahil” metro stansiyasının ən geci iyul ayının 1-nə qədər təmir edilməsi, daha sonra isə sərnişinlərin ixtiyarına verilməsi nəzərdə tutulub.

Metropoliten rəsmisi həmçinin “Xətai” stansiyasının təmirə bağlanılması ilə bağlı yayılan xəbərlərə də münasibət bildirib. O qeyd edib ki, bu barədə hələ rəsmi qərar verilməyib.

Hicranə İsmayılova