Beyin qan dövranını yaxşılaşdıran giləmeyvə. RESEPTLƏR

Beyin qan dövranının pozulması çox təhlükəli vəziyyətdir. Bu pozulmanın fonunda insanda insult inkişaf edə bilər.
Bəzi təbii vasitələr beyin qan dövranını yaxşılaşdırmaq, damarları təmizləmək, spazmı götürmək xüsusiyyətlərə malikdir. Bu vasitələr xalq təbabətində aterosklerozun və insultun profilaktikası üçün çox geniş istifadə olunur. Sizə bir neçə belə resept təqdim edirik:
1. 500 qr quşüzümü, 350 qr bal və 1 orta ölçüdə (təxminən 150 qr) qıtığotu kökü blenderlə əzilir. Bu qarışıqdan 1 x.q. götürüb səhər və axşam yeməkdən əvvəl qəbul edin. Qarışığı bankalarda soyuducuda saxlayın.
2. 1 kq quşüzümü 200 qr sarımsaqla ətçəkən maşınından keçirilir, 100 qr bal əlavə olunur, yaxşı qarışdırılır. Qarışığı 3 gün saxlayın. Sonra gündə 2 dəfə yeməkdən əvvəl 1 x.q. qəbul edin.