Həcc ziyarəti VİRTUAL OLACAQ

Müsəlmanların müqəddəs məkanı olan Kəbə evini artıq virtual şəkildə ziyarət etmək mümkün olacaq.
Sonxeber.az-ın məlmatına görə, "Metaverse" ("Uydurma kainat") dünyasına Səudiyyə Ərəbistanı, Kəbə və digər ziyarət yerlərinin simulyasiyasını əlavə olunub.
Belə ki, Müsəlmanlar tərəfindən ziyarət olunan "Virtual Həcərul-Əsvəd (Qara daş)" texnologiya vasitəsi ilə "Metaverse" kainatına daşınıb. Bu yolla ziyarət virtual mühitdə mümkün olacaq.
Keçən ay Kəbənin baş imamı Əbdürrəhman Sudeysi tərəfindən edilən virtual ziyarət təşəbbüsü Umm əl-Qurra Universiteti ilə Sərgilər və Muzey İşləri İdarəsinin birgə layihəsi olub.
Sudeysi bildirib ki, Məkkə və Mədinə məscidlərində İslam dünyasının bir çox tarixi məkanları var və bu, hər kəs üçün rəqəmsallaşdırılmalıdır.
"Məscidül-Həram"ın rəsmi "Facebook" səhifəsində edilən paylaşımda, sözügedən təşəbbüsün müsəlmanlara Məkkəyə getmədən Həcərul-Əsvədi "görmək" imkan verdiyi bildirilib.
Bu simulyasiya yalnız görmə və eşitmə duyğularına xitab etməyəcək, eyni zamanda istifadəçilər toxunub, qoxu hiss edə biləcəklər.