Paşinyan: "Ölkə dərin kadr böhranı ilə üz-üzədir"

"Ermənistan hökuməti yanlış kadr siyasəti aparır, ölkə dərin kadr böhranı ilə üz-üzədir".

Oxu.Az "Newsarmenia" portalına istinadən xəbər verir ki, bu açıqlama ilə hökumətin iclasında məktəb direktorları qarşısında danışan Ermənistanın baş naziri Nikol Paşinyan çıxış edib.

N.Paşinyan kadr böhranını belə əsaslandırıb:

"Bilirsinizmi, niyə böhran var? Çünki ölkənin 70%-dən çoxunda uşaq bağçası yoxdur, ölkədə 70 faizdən çox məktəb binası bərbad vəziyyətdədir, təhsil sistemi acınacaqlı vəziyyətdədir".

Fikrinin davamında N.Paşinyan təhsil sistemindəki rüşvət faktoruna da toxunub.

O vurğulayıb ki, direktor vəzifəsi üçün müraciət edən 13 nəfərdən yalnız beşi qanuni şəkildə təyinat alır. N.Paşinyan bunu avtomobil idarə edə bilməyənlərin rüşvətlə sürücülük vəsiqəsi almasına bənzədib.