AZ
RU
EN
Evdar xanımlar müntəzəm olaraq, evdə onların işlərini asanlaşdıracaq bir çox üsullar tapırlar. Marketlərdə satılan bahalı kimyəvi təmizləyicilərdənsə, ev şəraitində hazırlanan təmizlik məhsullarına üstünlük verirlər. Bu təmizlik məhsulları mikrobları məhv etməklə yanaşı, sağlamlıq üçün də zərərli olmur.
May.az xarici KİV-ə istinadən mükəmməl təmizliyin gizli sirlərini təqdim edir:
1. Ev əşyalarında, qazda, sobada yaranan ərpləri aradan qaldırmaq üçün
Ərpi yox etmək üçün soda və ya sirkədən istifadə edə bilərsiz. Xüsusilə alma sirkəsi daha çoxdur. Paltaryuyan və qabyuyan maşınların sistemində yaranan ərpi təmizləmək üçün yuyucu toz bölməsinə 2 çay stəkanı alma sirkəsi töküb minimum zamanda işlədin.
2. Quru ləkələri təmizləmək üçün
Qurumuş və bərkimiş ərpi təmizləmək üçün soda ilə limon duzunu və ya sirkəni qarışdırmaq kifayətdir. Qarışımı süngər üzərinə töküb qurumuş ləkələri sürtün. Bu qarışıqdan həm də qabyuyan maşında istifadə edə bilərsiniz.
3. Kiflənmiş əşyaları təmizləmək üçün
Alma sirkəsi kifdən xilas olmağınıza kömək edə bilər. Maye halında qarışımı kifli yerlərə tökün. Bir az gözləyin və həmin yeri sərt süngərlə silin. Nəticəni gözlərinizlə görəcəksiz.
4. Hamam otağında saralmış divarlar
Hamam otağını təmizləməkdən yorulmusuz? Daim su içərisində olan yerdə bu qədər ərp hardandır? Elə isə bir qaba 1 stəkan alma sirkəsi, 1 stəkan qaynar su və çox az təmizləyici maye tökün. Qarışımı köpüklənənə qədər qarışdırın. Duş başlığını həmin maye ilə dolu qaba qoyub 10 dəqiqə gözləyin. Hamamdakı, tualetdəki başqa metal əşyalarınızı da saf alma sirkəsi və süngərlə təmizləyə bilərsiniz.
