"Allah onların cavabını versin"

"Mahnılarımın hamısını yutubdan siliblər. Repertuarımda yer alan "Sevəcəyəm" mahnısını hamı bilir, amma baxış sayı 10 nəfərdir. Bu, necə olub? Əvvəllər mənim saytım var idi. Bütün mahnılarım orada idi".

Bu sözləri Xalq artisti Brilliant Dadaşova "Zaurla Günaydın" verilişində deyib. Müğənni mahnılarının yutubdan silinməsindən danışıb:

"Məcbur oldum ki, mahnılarımı yenidən yutuba yerləşdirim. Sənətimi vurmaq mümkün deyil, amma belə mərdimazarlıq edənlər var. Repertuarımda yer alan "Bayatılar" mahnısı bəstənin müəllifi Eldar Mansurovun rəsmi yutub kanalında var. Onun da baxış sayı milyonlarladır. Mənim kanalımı dağıtdılar. Allah onların cavabını versin". (Axşam.az)