"Final Destination" filminin məşhur aktyoru vəfat edib - Foto

Tanınmış ABŞ-li aktyor Toni Todd 69 yaşında vəfat edib.

Oxu.Az-ın "Deadline" portalına istinadla məlumatına görə, bu barədə aktyorun nümayəndəsi xəbər yayıb.

Bildirilir ki, Todd Los-Anceles şəhərindəki (Kaliforniya ştatı) evində vəfat edib. Onun ölüm səbəbi açıqlanmayıb.

Toddun aktyorluq karyerası 1980-ci illərdə başlayıb. O, ən çox "Platoon" (1986), "Candyman" (1992), "Final Destination" (2000) filmləri, həmçinin "The Flash" (2014-23) və "Riverdale" (2017-23) seriallarındakı rolları ilə tanınıb.