Özkan Uğurun dəfn ediləcəyi tarix açıqlandı

Xəbər verdiyimiz kimi, məşhur müğənni və aktyor Özkan Uğur 69 yaşında vəfat edib.
Axşam.az-ın məlumatına görə, mərhumumun dəfn və vida mərasimi ilə bağlı dostu və həmkarı Zafer Algöz paylaşım edib. O bildirib ki, Özkanla vida mərasimi iyulun 11-də səhər saat 11:00-da başlayacaq. Günorta namazından sonra Taksim məscidində namaz qılınacaq. Namazın ardından Özkan Uğur "Karacaahmet" qəbiristanlığında dəfn olunacaq.
Qeyd edək ki, mərhum uzun müddətdir xərçənglə mübarizə aparırdı.