Koronavirus və qripi necə ayırd etmək olar?-ARAŞDIRMA

Koronavirus və qripi necə ayırd etmək olar?-ARAŞDIRMAMütəxəssislər hər iki xəstəliyin oxşar simptomlar göstərdiyini bildirirlər. Bəs qrip və ya koronavirus olduğumuzu necə bilək? Bunu tapmaq üçün yalnız bir yol var.

Sonxeber.az Türkiyə mediasına istinadən xəbər verir ki, yenidən artmaqda olan koronavirus (Covid-19) epidemiyası ilə yanaşı payız fəslinin gəlişi ilə qrip infeksiyalarının artdığı zamanda koronavirus və qrip arasında fərq qoymağın yalnız bir yolu var.

Asqırma, burun tıxanması və ya burun axıntısı koronavirus ilə qrip arasındakı ən əsas oxşarlıqlardır.

Elmi Şura Üzvü Prof.Dr. Tevfik Özlü bu mövzuda oxşarlıqları belə izah edib: "Qrip və koronavirus simptomları çox oxşardır. Onları ayırd etmək asan deyil. Burunla əlaqəli simptomlar qripdə bir az daha qabarıq ola bilər. Burun axıntısı, asqırma, burunda danışmaq, burun tutulması qripin simptomlarıdır".

Yalnız şikayətlərə baxaraq koronavirus ilə qrip arasında fərq qoyulmasının mümkün olmadığını bildirən Özlü, səbəbini belə izah edib: "Çünki bir-birinə bənzər ağciyər tutulması olduqda, sətəlcəm cədvəli və qan testləri eyni olur. Yalnız PCR testi ilə qrip və COVID-19 arasındakı fərqi ayırd edə bilərik. Bu, laboratoriya yükümüzdə artım deməkdir".