AZ
RU
EN
Bəzi musiqi növlərinin iş qabiliyyətini artırdığını araşdırmalar sübut edib. Alimlər getdikcə daha çox belə qənaətə gəlirlər ki, musiqi təkcə emosiyaları oyatmaqla kifayətlənmir, həm də əhval-ruhiyyəni məqsədyönlü şəkildə dəyişə bilir.
Lent.az xarici mediaya istinadən xəbər verir ki, 30 min nəfərin iştirakı ilə aparılan geniş araşdırmaya görə, evdə musiqi dinləmək xoşbəxtlik səviyyəsini təxminən 11% artırır, qıcıqlanmanı isə təxminən dörddə bir azaldır.
Musiqi və məhsuldarlıq
Məhsuldarlığı artırmaq üçün ən təsirli üsul məhz özünüzün bəyəndiyi mahnıları dinləməkdir. Təcrübələr göstərib ki, ofisdə işçilərin zövqünə uyğun olmayan musiqi səsləndiriləndə iş qabiliyyəti azalır və mənəvi yorğunluq artır.
Kreativ düşüncə üçün musiqi
Psixoloq Emma Grey 50–80 zərbə/dəqiqə tempində musiqi seçməyi məsləhət görür. Bu ritm insanı alfa vəziyyətinə gətirir. Zehn sakit qalır, lakin diqqət toplanmış olur. Bu isə təxəyyül və konsentrasiyaya kömək edir.
Əhval-ruhiyyəni qaldıran musiqi
Aparılan meta-analizlər göstərir ki, sevimli mahnıları dinləmək, oxumaq və ya musiqi terapiyasında iştirak psixi sağlamlığı əhəmiyyətli dərəcədə yaxşılaşdırır. Niderlandlı nevroloq Yakob Jolia "ən xoşbəxt" mahnı nümunələrini toplayaraq müəyyən edib ki, bu mahnılar çox vaxt sürətli (140–150 zərbə/dəqiqə), majorda yazılmış, yüngül və şən mövzulu olur.
Musiqi və intellektual qabiliyyətlər
Çətin məlumatı öyrənmək lazım olduqda ən yaxşı seçim tam sükutdur. Fon musiqisi, xüsusilə sözlü mahnılar yadda saxlama prosesini pozur. Bir eksperimentdə məlum olub ki, imtahana sükutda hazırlaşan tələbələr, musiqi altında hazırlaşanlara nisbətən tapşırıqları 60% daha yaxşı yerinə yetiriblər. Əgər fon mütləq lazımdırsa, instrumental musiqiyə üstünlük verilməlidir.
