Gündə 7 min addım atmaq xərçəngdən qoruyur

Gündə 7 min addım atmaq 13 müxtəlif növ xərçəngə tutulma riskini azaldır.

Ölkə.Az xarici KİV-ə istinadla xəbər verir ki, bu barədə İngiltərənin Oksford Universiteti araşdırma aparıb.

Məumata görə, araşdırmada azı 85 min şəxs iştirak edib.

Tədqiqat çərçivəsində iştirakçının addımları ilə qida borusu, qaraciyər, ağciyər, böyrək, mədə, uşaqlıq yolu, miyeloid lösemi (qan və sümük iliyi hüceyrələrindən olan miyeloid hüceyrələrin nəzarətsiz şəkildə çoxalması ilə xarakterizə olunan qan xərçəngi), miyeloma, bağırsaq, baş-boyun, düz bağırsaq, sidik kisəsi və süd vəzi xərçəngləri arasındakı əlaqə 6 il boyunca izlənilib.

Qeyd edilib ki, 7 min addım 13 müxtəlif xərçəngə tutulma riskini 11%, 9 min addım isə 16% azaldır.