Azərbaycanlı iş adamına 40 min dollar atan balerina danışdı

"Bu, cəfəngiyatdır. Bir şey deyim: mən uğurumu, gözəlliyimi, azadlığımı qurban vermək istəmirəm”.

May.Az xəbər verir ki, bunu azərbaycanlı biznesmenə 40 min dollar qarşılığında intim münasibət təklif etməsi haqda xəbərlərə münasibət bildirən Rusiyalı balerina Anastasiya Voloçkova deyib.

O deyib ki, yaraşıqlı kişilər onun ayaqlarım altında hədiyyələrlə növbəyə durublar.

""Maybax"la, qucaq dolu güllərlə növbəyə durublar ki, mənimlə görüşsünlər. Bütün bu yalanları isə şərh etmək niyyətində deyiləm”, - balerina əlavə edib.

Qeyd edək ki, bu haqda xəbəri Rusiyada əyləncələr təşkil edən agentliyin rəhbəri Dmitri Tulyaninov yaymışdı. O bildirib ki, azərbaycanlı biznesmen "Ulduzla şam yeməyi” layihəsi çərçivəsində agentliyə müraciət edib. İş adamı 25 min dollar müqabilində balerina ilə Bakıda görüş sifariş verib və sifariş qəbul olunub. Lakin sonda rusiyalı balerina azərbaycanlı biznesmenə əlavə 40 min dollar qarşılığında intim xidmət təklif edib. İş adamı bu təkliflə razılaşıb və avans ödəyib.

Məlumata görə, daha sonra Anastasiya Voloçkova oteldə otağının qapısını bağlayaraq, çölə çıxmayıb, səhəri gün isə pulu da götürərək Azərbaycanı tərk edib.