"Baku.ws" saytı 14 yaşını qeyd edir

Bakı, 5 yanvar, May.Az. Bu gün Azərbaycan mediasında özünə məxsus yeri olan "BAKU.WS" saytının fəaliyyətə başladığı gündən 14 il ötür.

SalamNews xəbər verir ki, saytın Azərbaycan versiyası 3 ildir ki, müvəffəqiyyətli şəkildə fəaliyyət göstərir. Bununla da bizim oxucularımız ana dilində operativ məlumatlar oxumaq imkanı əldə edirlər.

BAKU.WS layihəsinin ziyarətçilərinin ümumi sayında Azərbaycandan olan istifadəçilər 70 faizdir. Bu fakt Azərbaycan oxucularının ehtiyaclarını qiymətləndirməyə və ölkənin vətəndaşları üçün maraqlı və informativ materialları yerləşdirməyə imkan verir.

BAKU.WS-in oxucularının daha rahat xəbərləri izləyə bilməsi üçün sosial şəbəkələrdə öz rəsmi səhifəsini yaradıb. IOS sistemində çalışan mobil telefonların istifadəçiləri üçün isə pulsuz mobil əlavə (proqram) hazırlanıb. Şəxsi videopleyer isə daha interaktiv formatda və yüksək keyfiyyətdə aktual xəbərlərin nümayişinin imkanını artırıb.

May.az İnformasiya Agentliyi bu münasibətlə saytın bütün kollektivini təbrik edir!