Sevgilisi ilə xəstəxanada evləndi, 7 saat sonra öldü

Qeri Smart və Laura hələ yeniyetmə olanda tanış olublar. MAY.AZ-ın məlumatına görə, uzun illər sevgili olan cütlük son anda evlənə bilib. İyul ayında 33 yaşlı Qeri işdən evə bel və sinə ağrısı ilə qayıdıb. Sonra o, getdikcə gücdən düşüb və arıqlayıb.

Xəstəxanada onun ağ ciyərindən maye çəkiblər və biopsiyaya göndəriblər. Tezliklə həkimlər dəhşətli xəbəri verdilər: Qerinin ömrü çox az qalıb. Bu zaman britaniyalı son arzusunu səsləndirdi-öləndə evli olmaq.

Bu səbəbdən xəstəxana palatasında toy mərasimi keçirilib. Toyda 25 nəfər iştirak edib. Bu, həm toy, həm də Qeri ilə vida mərasimi idi. Tərəflər bir-birinin barmağına üzük keçirib və and içiblər. Sonra 31 yaşlı Laura ərinin yanında yatıb. Yuxudan ayılanda isə Qerinin keçindiyini görüb. Cütlük cəmi 7 saat evli qalıb.