Dilan Polatın ifadəsi ortaya çıxdı

Noyabrın 1-də saxlanılan türkiyəli sosial media fenomeni Dilan Polat və həyat yoldaşı Engin Polat məhkəməyə çıxarılıb.


Axşam.az xəbər verir ki, onların ilk ifadəsi ortaya çıxıb. Sorğu zamanı Dilan sualları göz yaşı ilə cavablandırıb. O, bütün pul məələlərini həyat yoldaşı Engin Polat ilə mühasibin məşğul olduğunu bildirib.


Digər tərəfdən Polat cütlüyünün aylıq gəlirininin 150-200 min lirə olduğunun bəyan edilməsinə Engin qəbul etməyib. Onlar ev ünvanlarını dəyişməsini övladlarının məktəbi ilə əlaqələndiriblər.


Dilan pulla bağlı suallara "Mən reklam simasıyam. Heç nədən xəbərim yoxdur. Bütün işləri Engin edib" cavabını verib.


Onların vəkili Ahmet Günün aylıq gəliri 300 min lirə bəyan etdiyi ortaya çıxıb. Cütlüyün aylıq qazancının onların dediyi 150-300 minlə üst-üstə düşmədiyi bəlli olub. Dilan və Engin Polat ifadə zamanı "Ahmet Gün nə dedisə, onu etdik" cavabını veriblər.


Engin qara pulların mənimsənilməsi iddiasını rədd edib. "Bunlar ticarət münasibətləridir. 200 milyon lirəni mal sataraq qazandıq. Şirkətlərim bəzən iflas etdi, yenisini qurdum. Çalışdım, pul yığdım və iş qurub, onu böyütdüm" deyə, o bildirib.


Sıla Doğu da bacısı Dilan kimi reklam siması olduğunu deyib.


Qeyd edək ki, Dilan Polatın bacısı Sıla Doğu, Engin Polatın qardaşı Kürşat Polat, mühasib Beyza Ekici, maliyyə işlər məmuru Ahmet Gün də saxlanılanlar arasındadır.


Xatırladaq ki, bir müdddət öncə Dilanla Enginin əmlakları müsadirə olunaraq ölkədən çıxışına qadağa qoyulmuşdu. Bundan əlavə, onların birinci və ikincidərəcəli qohumlarının da əmlakı müsadirə edilmişdi.


Eyni zamanda, bir çox gözəllik mərkəzi olan Dilan və Enginin vergi borcları olduğu bildirilir.


Cinayət törətmək məqsədi ilə təşkilat yaratmaq, çirkli pulların yuyulması və vergi qanunlarını pozmaq cinayətləri ilə barələrində həbs qərarı çıxarılan Dilan və Engin Polat cütlüyünə qarşı keçirilən əməliyyatda 17 şübhəli saxlanılıb.