Valideynlərindən 32 min manat "qoparmaq" üçün görün nə oyun çıxartdı

Nigeriyanın Abeokuta şəhərinin 28 yaşlı sakini Sequn Mafimidovo valideynlərindən külli miqdarda pul almaq üçün hiyləyə əl atıb və özünün oğurlanmasını "təşkil edib".
BiG.AZ xəbər verir ki, bu barədə "Daily Trust" yazır.
Belə ki, Sequn dostları ilə razılaşıb və silahlı cinayətkarlar tərəfindən qaçırıldığını deyərək, valideynlərindən 8 milyon Nigeriya nayrı (təxminən 32 min manat) tələb edib, yalanının sübutu kimi isə onlara əlləri bağlı halda çəkdirdiyi saxta şəkilləri göndərib.
"Oğrular" Mafimidovonun valideynlərinə fidyə olaraq pul köçürmələri üçün hesab nömrəsi göndəriblər. Lakin polis texniki istintaq apardıqdan sonra bunun Sequnun özünün və dostlarının oyunu olduğu üzə çıxıb.
Natəvan Baxşiyeva