İtkin düşən 15 yaşlı qızlardan biri tapıldı

İtkin düşən 15 yaşlı Gəncə şəhər sakini tapılıb.

Oxu.Az-a DİN-in Mətbuat Xidmətindən bildirilib ki, Gəncə şəhərində 2009-cu il təvəllüdlü A.Bədəlovanın itkin düşməsi faktı üzrə axtarışı aparılaraq tapılması təmin olunmaqla ailəsinə təhvil verilib.

Qeyd edilib ki, Bakıda əvvəllər dəfələrlə itkin düşmüş kimi axtarışı elan olunan 2009-cu il təvəllüdlü N.Məmmədovanın yenidən itkin düşməsi ilə bağlı daxil olan müraciət üzrə araşdırma aparılır. Onun polis əməkdaşları tərəfindən təkrarən tapılaraq ailəsinə təhvil verilməsi təmin olunacaq.

09:08

Gəncə şəhər sakini 15 yaşlı yeniyetmə axtarılır.

APA xəbər verir ki, 2009-cu il təvəllüdlü, Asya Spartak qızı Bədəlova iki gün öncə yaşadıqları evdən çıxıb naməlum istiqamətə gedib.

Faktla bağlı Gəncə Şəhər Baş Polis İdarəsində araşdırma aparılır.

Digər itkin düşən şəxs isə Binəqədi qəsəbəsində yaşayan 2009-cu il təvəllüdlü Nərmin Elçin qızı Məmmədovadır.

Yeniyetmə gecə yaşadıqları ünvandan naməlum istiqamətdə gedərək bir daha geri qayıtmayıb. Faktla bağlı Binəqədi Rayon Polis İdarəsində araşdırma aparılır.

Hər iki yeniyetməni ailələri axtarırlar.