Aprelin 3-nə manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 03.04.2018-ci il tarixindən etibarən rəsmi məzənnə 1 ABŞ dollarına nisbətdə 1,7000 manat səviyyəsində müəyyən olunub.

Qeyd edək ki, 2018-ci il aprelin 2-də də USD/AZN rəsmi məzənnəsi 1,7000 manat təşkil edib.

“Azərişıq” ASC Sabirabad Elektrik Şəbəkəsində enerji satışı mütəxəssisləri üzrə nəzarətçi-mühəndislərin işə qəbulunu elan edir.

ASC-dən BAKU.WS-ə verilən məlumata görə, nəzarətçi-mühəndislər elektroenergetika və digət texniki ixtisaslar üzrə ali təhsilli olmalıdır.

İşə qəbul Səhmdar Cəmiyyətin “İşə Qəbul Komissiya”sı tərəfindən test və müsahibə yolu ilə həyata keçiriləcək.

Sənədlər 2018-ci il mart ayının 27-28 tarixlərində Sabirabad şəhəri, Muğan prospektində yerləşən Şabirabad Elektrik Şəbəkəsinin inzibati binası və “Azərişıq” ASC-nin Bakı şəhəri, Bakıxanov-13 küçəsində yerləşən Səhmdar Cəmiyyətin Kadrlar İdarəsində qəbul olunacaq.

Neft bahalaşdı
Dünya birjalarında neft bahalaşıb.


Elit.Az xəbər verir ki, bu gün səhər saatlarına WTI neftinin qiyməti 1 barelə görə 0,55 dollar və ya 0,87% artaraq 63,94 dollar təşkil olub.

Brent markalı neftin 1 barelinin dəyəri isə 0,50 dollar və ya 0,75% bahalaşaraq 67,36 dollar təşkil edib.

ABŞ Maliyyə Nazirliyi Konqresə təqdim etdiyi “Kreml hesabatı” sanksiyalar paketinə 210 nəfərin adını daxil edib.

BAKU.WS axar.az-a istinadla xəbər verir ki, hesabatda adları yer alan şəxslərdən 114-ü Rusiyanın yüksək vəzifəli şəxsləri və dövlət şirkətlərinin rəhbərləri, 96 nəfəri isə oliqarxdır.

Siyahıda yer alanlar sırasında Rusiya Prezident Administrasiyasının rəhbəri Anton Vayno, onun müavini Aleksey Qromov, Rusiya prezidentinin mətbuat katibi Dmitri Peskov, Rusiya prezidentinin köməkçisi Vladislav Surkov, Rusiya Federasiya Şurasının rəhbəri Valentina Matviyenko, Dumanın spikeri Vyaçeslav Volodin, “Rosneft”in rəhbəri İqor Seçin, “Qazprom”un rəhbəri Aleksey Miller, Rusiya Xarici Kəşfiyyat Xidmətinin rəhbəri Sergey Narışkin, Rusiya Federal Təhlükəsizlik Xidmətinin rəhbəri Aleksandr Bortnikov və s. adı var.

Oliqarxlar siyahısında isə Əlişir Usmanov, Roman Abramoviç, Süleyman Kərimov, Yevgeni Kasperski, Oleq Deripaska, German Qref, Vladimir Kostin yer alıb.

***

“Kreml hesabatı”na Rusiya Nazirlər Kabinetinin əksər üzvləri daxil edilib.

Siyahıda Nazirlər Kabinetindən 30 nəfərin adı yer alıb. Bunlardan bir neçəsini təqdim edirik:

1. Dmitri Medvedyev – Baş nazir;

2. İqov Şuvalov – Baş nazirin müavini;

3. Sergey Prixodko – Baş nazirin müavini;

4. Aleksandr Xlopin – Baş nazirin müavini;

5. Vitali Mutko – Baş nazirin müavini;

6. Arkadi Dvorkoviç – Baş nazirin müavini;

7. Olqar Qolodets – Baş nazirin müavini;

8. Dmitri Kozak – Baş nazirin müavini;

9. Dmitri Roqozin – Baş nazirin müavini;

10. Sergey Şoyqu – Müdafiə naziri;

11. Maksim Oreşkin – İqtisadi İnkişaf naziri;

12. Vladimir Medinski - Mədəniyyət naziri;

13. Nikolay Nikiforov – Rabitə naziri;

14. Aleksandr Tkaçev – Kənd Təsərüffatı naziri;

15. Aleksandr Novak - Energetika naziri;

16. Anton Siluanov – Maliyyə naziri;

17. Sergey Lavrov – Xarici işlər naziri;

18. Vladimir Kolokotsev – Daxili işlər naziri.

Siyahıda həmçinin Təhlükəsizlik Şurasının rəhbəri Nikolay Patruşev, Baş Qərargah rəisi Valeri Gerasimov, Prezidentin Ətraf Mühitin Qorunması, Ekologiya və Nəqliyyat üzrə xüsusi nümayəndəsi Sergey İvanov, Baş Kəşfiyyat İdarəsinin (QRU) rəhbəri İqor Korobov, Moskva meri Sergey Sobyanin, Baş prokuror Yuri Çayka, Rusiya Dəmiryollarının rəhbəri Oleq Belozerov, “Rostex”in rəhbəri Sergey Çemezov, “Rosatom”un rəhbəri Aleksey Lixaçev, “Transneft”in rəhbəri Nikolay Tokarev, “Qazprombank”ın rəhbəri Andrey Akimov, “Aeroflot”un rəhbəri Vitali Savelyev, “Başneft”in rəhbəri Andrey Şişkin, “Tatneft”in rəhbəri Nail Maqanov yer alıblar.

Oliqarxların siyahısında azərbaycanlı milyarderlərə də yer verilib. Bunlar sırasında Araz Ağalarov, Fərhad Əhmədov, Qod Nisanov, Zarax İliyev və Vahid Ələkbərovun adı var.

Siyahıya həmçinin Ələkbərovun ortağı olan Leonid Fedun da düşüb. ABŞ burada Rusiya ermənilərinin ən varlı iş adamı olan Samvel Karapetyanı da unutmayıb. Siyahıya Tatarıstanın keçmiş prezidenti Mintamir Şaymiyevin oğulları Ayrat və Radik, Putinin dostları Arkadi və Boris Rottenberqlər, Gennadi Timçenkonun da adları daxil edilib.

Qeyd edək ki, bu siyahıda yer alan şəxslərin heç birinə sanksiyalar tətbiq edilməyəcək. Ekspertlər sadəcə olaraq bu hesabatla ABŞ rəhbərliyinin CAATSA qanununun öhdəliklərini icra etdiyini bildiriblər. Onların fikrincə, siyahıdakı şəxsləri heç bir məhdudiyyət gözləmir, amma bu siyahı onlara gələcəkdə müxtəlif bölgələrdə müxtəlif əngəllərin yaradılmasına, onlara qarşı xüsusi diqqət göstərilməsinə səbəb ola bilər. Bir sözlə, bu şəxslər daima “arzuolunmazlar” siyahısında yer alacaqlar.

istehsalı ilə məşğul olan şirkətlər 567,8 milyon manat həcmində məhsul istehsal edib ki, bu da 2016-cı ildə qeydə alınan göstəricidən 46,6 faiz çoxdur.

BAKU.WS xəbər verir ki, bu barədə Azərbaycan Dövlət Statistika Komitəsinin hesabatında deyilir.

Hesabatda qeyd olunur ki, ötən il Azərbaycanda 2,88 milyon ton sement (2016-cı illə müqayisədə 24,3 faiz artım), 856,2 ton şüşə-lif (76,1 faiz artım), 29,8 min ton tikinti əhəngi (8,6 faiz artım), 797,5 min ton hazır beton qarışığı (96,8 faiz artım), 144,5 min kubmetr yığma beton tikinti konstruksiyası (64 faiz artım), 22,56 min ton cilalanmış mərmər, travertin, alebastr və onlardan məmulatlar (3,1 dəfə artım) istehsal olunub.

Yanvarın 25-nə manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 25.01.2018-ci il tarixindən etibarən rəsmi məzənnə 1 ABŞ dollarına nisbətdə 1,7001 manat səviyyəsində müəyyən olunub.

Qeyd edək ki, 2018-ci il yanvarın 24-də də USD/AZN rəsmi məzənnəsi 1,7001 manat təşkil edib.

CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti yanvarın 22-də 70,94 dollar/barel təşkil edib ki, bu da ötən həftənin cümə gününə olan göstəricidən 0,97 dollar/barel çoxdur. Bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti yanvarın 22-də 70,31 dollar/barel təşkil edib ki, bu da əvvəlki qiymətdən 0,93 dollar/barel çoxdur.

Novorossiysk limanından yüklənən URALS neftinin qiyməti yanvarın 22-də 67,83 dollar/barel təşkil edib ki, bu da Trend-ə görə, əvvəlki qiymətdən 0,94 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti isə yanvarın 22-də 69,53 dollar/barel təşkil edib. Bu, əvvəlki qiymətdən 0,97 dollar/barel çoxdur.

Yanvarın 24-nə manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 24.01.2018-ci il tarixindən etibarən rəsmi məzənnə 1 ABŞ dollarına nisbətdə 1,7001 manat səviyyəsində müəyyən olunub.

Qeyd edək ki, 2018-ci il yanvarın 23-də də USD/AZN rəsmi məzənnəsi 1,7001 manat təşkil edib.

2018-ci ilin yanvarında dünyada benzinin orta qiyməti 1 litr üçün 1,14 ABŞ dolları təşkil edib.

Axar.az xəbər verir ki, bu barədə “Global Petrol Prices” məlumat yayıb. Bildirilir ki, benzin ən ucuz Venesuelada və Türkmənistanda satılır. Bu ölkələrdə benzinin 1 litri müvafiq olaraq 0,1-0,23 sentdir. Azərbaycan isə benzinin qiymətinə görə siyahıda 30-cu sıradadır (1 litri 0,74 dollar). Benzinin 1 litri ən baha İslandiyada 2,04 dollara satılır.

Qiymət müxtəlif ölkələr arasında fərqlidir. Ümumiyyətlə zəngin ölkələrdə neft istehsalı və ixracı baha, yoxsul ölkələrdə nisbətən daha ucuz qiymətə başa gəlir. Tək istisna olaraq iqtisadi cəhətdən inkişaf edən ABŞ-dır. Belə ki, bu ölkədə qiymətin aşağı olması vergi və benzin üçün verilən subsidiya sayəsindədir.

Moskva Arbitraj Məhkəməsi Rusiya reyestr xidmətinə əvvəllər “Tropikano” biznes-klubu” şirkətinə məxsus olmuş bina ilə bağlı hər hansı qeydiyyat işlərinin aparılmasını qadağan edib. Virtualaz.org RİA “Novosti”yə istinadən xəbər verir ki, bu şirkət Telman İsmayılovun AST şirkətlər qrupuna daxildir.

Bununla da, məhkəmə İsmayılovun şirkətinin müflisləşməsi ilə əlaqədar “Tropikano biznes-klubu” şirkətinin müsabiqə idarəedicisi Yevgeni Pimenovun müvafiq ərizəsini təmin edib. Məhkəmə həmçinin “Yeni idarəetmə texnologiyaları” səhmdar cəmiyyətinə sahəsi 6 min kvadrat metrdən artıq olan biznes-mərkəzin binası üzrə istənilən hərəkəti qadağan edib.

Müsabiqə idarəedicisinin nümayəndəsi məhkəmədə bildirib ki, borcluya məxsus olan bina 2013-cü ildə “Yeni idarəetmə texnologiyaları” səhmdar cəmiyyətinin nəzarəti altında olan investisiya fondunda paya dəyişdirilib. Bu sövdələşmə özü də hazırda məhkəmədə mübahisə obyektidir, belə ki, iddiaçının fikrincə, bu zaman hüquqlardan sui-istifadə olunub və həmin sövdələşmə aktivlərin çıxarılması məqsədini daşıyıb. İddiaçının sözlərinə görə, hazırda borclunun nə 1 milyard rubl dəyəri olan binası, nə də investisiya fondunda payı yoxdur.

Qeyd edək ki, “Tropikano biznes-klubu” şirkətinin müflisləşməsi ilə bağlı işin təşəbbüskarı VTB qrupuna daxil olan “BM-Bank”dır. Borclunun bank qarşısında 19,2 milyard rublluq öhdəliyi var ki, bunun da 10,5 milyard rublu əsas borc məbləğidir.

Dünya birjalarında neftin qiyməti ucuzlaşmaqda davam edir.

Londonun ICE (“InterContinental Exchange Futures”) birjasında “Brent” markalı neftin bir barelinin qiyməti 0,60 dollar ucuzlaşaraq 68,71 dollar, Nyu-Yorkun NYMEX (“New York Mercantile Exchange”) birjasında “Layt” markalı neftin bir barelinin qiyməti isə 0,58 dollar azalaraq 63,37 dollar olub.

Azərbaycan neftinin qiyməti də ucuzlaşıb. Belə ki, “AzəriLayt” markalı neftin bir barelinin qiyməti 0,88 dollar ucuzlaşaraq 69,97 dollar təşkil edib.

Xatırladaq ki, yanvarın 12-də Azərbaycan neftinin bir bareli 71,84 dollara satılıb və bu, 2014-cü il dekabrın 4-dən indiyədək maksimum qiymət göstəricisi olub.

Qlobal neft bazarında kommersiya xarakterli, yəni spekulyativ olmayan xalis qısa mövqelərin müqavilələrin sayı rekord həddə çatıb.

BAKU.WS "Report"a istinadən xəbər verir ki, bu barədə əmtəə bazarını araşdıran "SRSrocco Report" şirkətinin hesabatında bildirilir.

Hesabata əsasən, sözügedən göstərici ötən həftə 26 min ədəd və yaxud 4% artaraq 674 min ədəd təşkil edib. Bu, 2014-cü ildəki iqtisadi böhran dövrü ilə müqayisədə 174 min ədəd çoxdur. Xatırladaq ki, 2014-cü ilin ortalarından başlayaraq əmtəə birjalarında neftin qiyməti 105 dollar/bareldən 2016-cı ilin əvvəlində 30 dollar/barelə qədər düşüb və nəticədə maliyyə bazarları böhranla üzləşib.

Analitiklər, bu dəfə də neft qiymətlərində yarana biləcək kəskin azalmanın təsirinin maliyyə bazarlarına sıçrayacağını və növbəti böhrana səbəb olacağını istina etmirlər. "SRSrocco" hesabatında, maliyyə bazarlarında risklərin artması durumunda, pərakəndə investorların qızıla yönələcəklərini proqnozlaşdırılıb.