Tramp: "Bütün dünya ABŞ-yə gülür"

ABŞ-nin Respublikaçılar Partiyasından prezidentliyə namizəd Donald Tramp bildirib ki, ölkəsi bütün dünyanın özünə gülməsinə icazə verə bilməz.

Oxu.Az xəbər verir ki, bu barədə RBC.ru məlumat yayıb.

Siyasətçi Pensilvaniyada tərəfdarları qarşısında çıxış edib.

"Biz istəyirik ki, bütün dünya dörd il əvvəlki kimi bizə hörmət göstərsin. İndi isə bizə gülürlər. Biz bunun baş verməsinə icazə verə bilmərik", - Tramp vurğulayıb.

Qeyd edək ki, ABŞ-də prezident seçkisinə bir aydan da az vaxt qalıb. Seçki noyabrın 5-də keçiriləcək. Son seçici sorğularının orta göstəricilərinə görə, Trampın rəqibi, Demokratlar Partiyasının namizədi və Baydenin varisi Kamala Harrisin cüzi üstünlüyü var. Seçicilərin 48.4 faizi demokrata, 45.9 faizi isə respublikaçıya səs verməyə hazırdır.