ABŞ-də kimya zavodunda güclü yanğın: Sakinlər təxliyə edildilər

ABŞ-nin Corciya ştatında kimya zavodunda güclü yanğın baş verib.

Oxu.Az-ın verdiyi məlumata görə, bu barədə yerli hakimiyyət orqanları "X" sosial şəbəkəsində məlumat yayıblar.

Bildirilir ki, "BioLab" zavodunda yanğın səbəbindən yaxınlıqdakı evlərin sakinləri təxliyə ediliblər.

Hazırda fövqəladə xidmət əməkdaşları yanğınla mübarizə aparırlar.

Hakimiyyət orqanları hadisə yerinin cənubunda yaşayan sakinləri də təxliyə olmağa çağırıblar.