Koronavirusa qarşı yeni vasitə tapıldı

Rusiyanın Milli Elmi-Tədqiqat Epidemiologiya və Mikrobiologiya Mərkəzinin alimləri SARS-CoV-2 koronavirusunun bütün mövcud variantlarını tanıyan universal anticisim kəşf ediblər.

Oxu.Az TASS-a istinadən xəbər verir ki, mərkəzin direktor müavini Denis Logunovun sözlərinə görə, bu anticismin klinik sınaqları yaxın vaxtlarda başlamalıdır.

O, həmçinin əlavə edib ki, mərkəzin alimləri hazırda peyvənd platformaları, adenovirus və adenoassosial vektorlardan istifadə edən texnologiyalar üzərində işləyirlər.