İtlər barədə maraqlı fakt açıqlandı

İtlər güzgüdə öz əksini görsələr də, heç vaxt özlərini tanımırlar.

MAY.AZ xəbər verir ki, bu barədə RİA Novosti-yə Rusiya Kinoloji Federasiyasının prezidenti Vladimir Qolubev bildirib.

Mütəxəssis qeyd edib ki, it güzgüdə öz əksini görəndə onunla maraqlanmağa, güzgünün ətrafında dövrə vurmağa, hürməyə, hərəkət edən obyekti iyləməyə və hücum pozaları almağa başlaya bilər. Lakin heyvan qoxunu hiss etmədikdə, güzgüdəki təsvirə olan marağını tez itirir. Belə ki, itlər gördüklərini qoxu əsasında anlayırlar.

Kinoloq əlavə edib ki, güzgüdə yalnız oranqutanlar, şimpanzelər, qorillalar, delfinlər, fillər, qatil balinalar və sağsağanlar özlərini tanıya bilirlər.