Turşəngi qışa belə saxlamaq olar

Göyərti tez xarab olan məhsuldur. Hər evdar xanımın onu təzə saxlamaq üçün öz yolları var. F
May.az bu dəfə turşəngi qışadək saxlamağın yollarından danışacaq.
Ənənəvi üsul göyərtini doğramaq, duz ilə qarışdırıb bankalara yığmaqdır. Lakin bu halda duzdan çox istifadə edildiyi üçün hər kəsin zövqünə uyğun olmaya bilər, çünki yemək hazırlayarkən əlavə olunacaq duzun miqdarını təyin etmək çətin olur.
Sizə alternativ yolu da təqdim edirik.
Bunun üçün ilk öncə turşəngi yaxşıca yuyub xırda doğrayın. Daha sonra doğranmış göyərtini bankalara yerləşdikcə sıx presləyib yığın. Üzərinə dolanadək qaynar su əlavə edib bankanın ağzını möhkəm bağlayın. Daha sonra bankaların yavaş-yavaş soyuması üçün onları ədyala bürüyün, soyuduqda isə zirzəmiyə, yaxud soyuducuya yığa bilərsiniz.