Yanvarın 22-nə manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 22.01.2018-ci il tarixindən etibarən rəsmi məzənnə 1 ABŞ dollarına nisbətdə 1,7001 manat səviyyəsində müəyyən olunub.

Qeyd edək ki, 2018-ci il yanvarın 19-da da USD/AZN rəsmi məzənnəsi 1,7001 manat təşkil edib.

Azərbaycan Mərkəzi Bankı (AMB) yenidən valyuta məzənnəsinin aktiv şəkildə idarə olunması ilə bağlı bəzi KİV-lərdə yayılan xəbərlərə münasibət bildirib.

BAKU.WS -in xəbərinə görə, “APA-Economics”in sorğusuna cavab olaraq AMB-dən bildirilib ki, çevik məzənnə rejimi saxlanacaq.

“Azərbaycan Respublikası Mərkəzi Bankının 2018-ci il və orta müddətli dövr üçün pul siyasətinin əsas istiqamətləri barədə bəyanatı”nda qeyd olunduğu kimi, xarici şokları effektiv absorbasiya etmək qabiliyyətini nəzərə alaraq Mərkəzi Bank çevik məzənnə rejimini saxlayacaq. Ümumilikdə, qiymətləndirmələr göstərir ki, proqnozlaşdırılan tədiyyə balansı və Azərbaycan Respublikası Dövlət Neft Fondundan (ARDNF) transfertlərin həcmi 2018-ci ildə valyuta bazarında stabilliyi təmin etməlidir. Manatın məzənnəsinin uzunmüddətli trendini məhz bu fundamental makroiqtisadi amillər formalaşdırır”, - deyə məlumatda vurğulanıb.

Məlumatda o da qeyd olunub ki, Mərkəzi Bank milli valyutanın fundamental makroiqtisadi amillərdən irəli gəlməyən qısamüddətli dəyişkənliyinin qarşısının alınması məqsədilə məhdud sayda və həcmdə valyuta bazarına müdaxilə edə bilər.

Xatırladaq ki,bəzi mətbuat orqanlarında “Fitch” beynəlxalq reytinq agentliyi qrupuna daxil olan “BMI Research” araşdırma şirkətinə istinadən Azərbaycanın yenidən valyuta məzənnəsini aktiv şəkildə idarə etməyə başlaması barədə məlumatlar yayılıb.

Yanvarın 18-nə manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 18.01.2018-ci il tarixindən etibarən rəsmi məzənnə 1 ABŞ dollarına nisbətdə 1,7001 manat səviyyəsində müəyyən olunub.

Qeyd edək ki, 2018-ci il yanvarın 17-də də USD/AZN rəsmi məzənnəsi 1,7001 manat təşkil edib.

Yanvarın 17-nə manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 17.01.2018-ci il tarixindən etibarən rəsmi məzənnə 1 ABŞ dollarına nisbətdə 1,7001 manat səviyyəsində müəyyən olunub.

Qeyd edək ki, 2018-ci il yanvarın 16-da da USD/AZN rəsmi məzənnəsi 1,7001 manat təşkil edib

“Bakı şəhəri üzrə əmək pensiyaları sabah hesablara köçürüləcək”.

BAKU.WS xəbər verir ki, bunu “Report”un sorğusuna cavab olaraq Əmək və Əhalinin Sosial Müdafiəsi Nazirliyinin (ƏƏSMN) İctimaiyyətlə əlaqələr şöbəsinin müdiri Elman Babayev deyib.

O bildirib ki, yanvar ayının ilk günləri bayram günlərinə təsadüf etdiyi üçün əmək pensiyalarının Bakı şəhəri üzrə hesablara köçürülməsi bir neçə gün gecikib: "Köçülürmə yanvar ayının 16-da həyata keçiriləcək. Sonrakı mərhələdə maliyyələşdirmə, qrafikə uyğun şəkildə, yəni rayon və şəhərlər üzrə mərhələli şəkildə həyata keçiriləcək. Belə ki, məcburi köçkün rayonları, respublika tabeli şəhərlər, digər rayonlar, hərbi qulluqçular və xüsusi rütbəli şəxslər üzrə pensiyaların maliyyələşdirilməsi həyata keçiriləcək və ümumilikdə ay ərzində pensiyaların ödənişi tam başa çatdırılacaq”.

Nazirlik rəsmisi əlavə edib ki, Azərbaycanda əmək pensiyalarının etibarlı maliyyə təminatı sistemi əmək pensiyalarının müvafiq qrafik əsasında maliyyələşdirilməsi işlərinin cari ildə də normal qaydada davam etdirilməsinə imkan yaradacaq.

Pensiyaların maliyyələşdirilməsindəki gecikmə təqaüdçülərin “pulumuz, bəlkə, bu gün hesablara köçürüldü” ümidi ilə bankomatların qarşısına toplaşmasına səbəb olub.

BAKU.WS xəbər verir ki, oxu.az-ın Dövlət Sosial Müdafiə Fondunun rayon şöbələrindən aldığı məlumata görə, pensiyaların nə zaman hesablara köçürüləcəyi dəqiq bəlli deyil.

Gecikmə yeni təqvim ilinin ilk ayı, həmçinin bayramla əlaqədar ayın ilk günlərinin qeyri-iş günləri olması ilə əsaslandırılır. Bildirilir ki, pensiyaların plastik kart hesablarına çatdırılması müvafiq əlavə texniki prosedurlar tələb edir.

Qeyd edək ki, ötən ilin son ayında pensiyaların maliyyələşdıriməsi dekabrın 13-nə təsadüf etmişdi. Hansı ki, əvvəlki aylarda təqaüdçülər vəsaitlərini hər ayın 11-i alırdılar.

Xatırladaq ki, 2013-cü ildən Azərbaycanda pensiyaların ölkə üzrə maliyyələşdirilməsi qrafiki bir qədər də irəli çəkilib. Uzun müddətdir pensiyaların maliyyələşməsi hər ayın 13-dək Bakı şəhərində, 20-dək isə regionlarda başa çatırdı. Xəzinədarlıq orqanları tərəfindən pensiyaların vətəndaşların şəxsi hesablarına köçürülməsi Naxçıvan Muxtar Respublikası üzrə hər ayın 11-dək, Bakı şəhərinin rayonları üzrə hər ayın 13-dək, əhalisi məcburi köçkün olan rayonlar üzrə hər ayın 16-dək, respublika tabeli şəhərlər üzrə hər ayın 18-dək, digər rayonlar üzrə hər ayın 24-dək, hərbi qulluqçular və xüsusi rütbəli şəxs kateqoriyasından olan pensiyaçılar üzrə hər ayın 29-dək yekunlaşdırılacağı barədə məlumat verilmişdi.

Yanvarın 8-ə manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 08.01.2018-ci il tarixindən etibarən rəsmi məzənnə 1 ABŞ dollarına nisbətdə 1,7001 manat səviyyəsində müəyyən olunub.

Qeyd edək ki, 2018-ci il yanvarın 5-də də USD/AZN rəsmi məzənnəsi 1,7001 manat təşkil edib.

2018-ci il yanvarın 15-dən etibarən "Azərbaycan Hava Yolları” QSC-nin (AZAL) bütün reyslərinə qeydiyyat bütün aeroportlarda uçuşa 60 dəqiqə qalmış bağlanacaq.

Bu barədə BAKU.WS-ə AZAL-dan məlumat verilib.

Məlumata görə, eyni zamanda, qeydiyyat uçuşa 3 saat qalmış açılacaq.

Həmçinin AZAL-dan verilən məlumatda sərnişinlərin qeydiyyat üçün hava limanına öncədən gəlmələri xahiş olunub.

Bu gün Azərbaycan Beynəlxalq Bankının Baş ofisində özəl kredit bürosunun yaradılması üzrə Təşəbbüs Qrupunun iclası keçirilib.

Azərbaycan Banklar Assosiasiyasından BAKU.WS-ə verilən məlumata görə, iclas zamanı “Azərbaycan Kredit Bürosu” MMC-nin təsis edilməsi qərara alınıb.

Büronun təsisçiləri “Azərbaycan Beynəlxalq Bankı” ASC, “Bank Respublika” ASC, “Xalq Bank” ASC, “Kapital Bank” ASC, “PAŞA Bank” ASC, “Rabitəbank” ASC, “Unibank KB” ASC və “Ziraat Bank Azərbaycan” ASC olub. İclasda həmçinin cəmiyyətin nizamnaməsi, idarəetmə orqanlarının formalaşdırılması ilə əlaqədar məsələlər və cəmiyyətin dövlət qeydiyyatı ilə bağlı işlərə başlanması təsdiq edilib.

“Azərbaycan Beynəlxalq Bankı” ASC-nin İdarə Heyətinin sədri Xalid Əhədov cəmiyyətin Müşahidə Şurasının sədri seçilib. Qeyd edək ki, kredit bürosu kredit tarixçəsi subyektinin kredit tarixçəsini təşkil edən məlumatları toplayan, saxlayan, təhlil edən və kredit hesabatlarını verən, həmçinin “Kredit büroları haqqında” Azərbaycan Respublikası Qanunu və digər qanunvericilik aktları ilə qadağan olunmayan fəaliyyət növləri ilə məşğul olan qurumdur.

Dekabrın 19-na manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 19.12.2017-ci il tarixindən etibarən rəsmi məzənnə 1 ABŞ dollarına nisbətdə 1,7001 manat səviyyəsində müəyyən olunub.

Qeyd edək ki, dekabrın 18-də də USD/AZN rəsmi məzənnəsi 1,7001 manat təşkil edib.

Bu ilin 9 ayında əmtəə ixracı 13.4% azalıb. Azalma, əsasən, neft sektoru üzrə baş verib. Belə ki, ixracın dəyəri xam neft üzrə 20%, neft məhsulları üzrə 10.2% azalıb.

Mərkəzi Bank xəbər verir ki, qeyri-neft sektoru üzrə ixrac artıb. Artım çay, meyvə-tərəvəz, pambıq lifi, elektrik enerjisi, alüminium ixracında müşahidə olunub. Belə ki, ixracın həcmi çay üzrə 62.1%, meyvə-tərəvəz üzrə 41.5%, pambıq lifi üzrə 8.5 dəfə, elektrik enerjisi üzrə 2.8 dəfə, alüminium üzrə 21.6% artıb.

Dövr ərzində ixracda əsas tərəfdaşlar İtaliya (22.2%), Türkiyə (13.1%), Çin (5.4%), Rusiya (4.8%), İsrail (4.6%), Gürcüstan (4.3%) kimi ölkələr olub. 2017-ci ilin 9 ayında əmtəə idxalı 0.4% artıb. Dövlət sektoru üzrə əmtəə idxalı isə 9.4% azalıb. İdxal olunmuş məhsulların 16.9%-i Rusiya, 14.5%-i Türkiyə, 9.9%-i ABŞ, 9.7%-i Çin, 5.1%-i Ukrayna, 4.57%-i Almaniya, və 3.7%-i İtaliya kimi ölkələrinin payına düşüb. Dövr ərzində idxal ət, süd, çay, nəqliyyat vasitələri və onların hissələri, kərə yağı və süddən hazırlanmış digər yağlar üzrə artıb, buğda, şəkər, sement, qara metal və onlardan hazırlanan məhsullar, mebel üzrə isə azalıb.

Hesabat dövründə əmtəə idxalı 0.4% artıb. Dövlət sektoru üzrə əmtəə idxalı isə 9.4% azalıb. İdxal olunan məhsulların 16.9%-i Rusiya, 14.5%-i Türkiyə, 9.9%-i ABŞ, 9.7%-i Çin, 5.1%-i Ukrayna, 4.57%-i Almaniya, və 3.7%-i İtaliya kimi ölkələrin payına düşüb. Dövr ərzində idxal ət, süd, çay, nəqliyyat vasitələri və onların hissələri, kərə yağı və süddən hazırlanmış digər yağlar üzrə artıb, buğda, şəkər, sement, qara metal və onlardan hazırlanan məhsullar, mebel üzrə isə azalıb.

2017-ci ilin 9 ayında iqtisadi tərəfdaş ölkələrdə yaranan vəziyyət qeyri-neft ixracı ilə yanaşı, ölkəyə daxil olan pul baratlarının dinamikasına da təsir edib. İlkin rəqəmlərə əsasən, 2017-ci ilin 9 ayında ölkəyə daxil olan pul baratları 751.4 mln. ABŞ dolları olub.

Dekabrın 15-nə manatın məzənnəsi açıqlanıb.

Mərkəzi Bankdan BAKU.WS-ə verilən məlumata görə, 15.12.2017-ci il tarixindən etibarən rəsmi məzənnə 1 ABŞ dollarına nisbətdə 1,7001 manat səviyyəsində müəyyən olunub.

Qeyd edək ki, dekabrın 14-də də USD/AZN rəsmi məzənnəsi 1,7001 manat təşkil edib.