Tovuz rayonunda törədilmiş qətl hadisəsi ilə bağlı bəzi məqamlar üzə çıxıb.

May.Az lent.az-a istinadən xəbər verir ki, Tovuz şəhərində yerləşən avtovağzalda 1992-ci il təvəllüdlü İbrahimova Aytəkin Ədalət qızı həyat yoldaşı, 31 yaşlı Hüseynov Taleh Aydın oğlu tərəfindən ailə münaqişəsi zəminində öldürülüb.

Bildirilir ki, cütlük arasında bir müddət əvvəl problemlər yaranıb və onlar ayrı yaşamağa başlayıblar. Dünən axşam saatlarında Aytəkinin işdən çıxmasını gözləyən Taleh ona yaxınlaşaraq mübahisə edib və daha sonra özü ilə gətirdiyi bıçaqla gənc qadının boğazını kəsərək öldürüb.

İlkin araşdırma zamanı o da məlum olub ki, A.İbrahimova müddətdən artıq hərbi qulluqçu olub. Cütlüyün 2 azyaşlı övladı qalıb.

Faktla bağlı cinayət işi açılıb, araşdırmalar davam etdirilir.