Vergidən yayınan şirkətləri və şəxsləri hansı cəza gözləyir? - AÇIQLAMA

"Ümumiyyətlə bir çox ölkələrdə vergidən yayınma ən ağır cinayətlərdən biri hesab olunur. Bizdə hələki belə bir əhval-ruhiyyə yaranmayıb. Halbuki istənilən vergidən yayınma pensionerin təqaüdünün vaxtında almamasına gətirib çıxarır. Bu daha ağır bir vəziyyət ola bilər. Ona görə bunun çox böyük sosial nəticəsini fikirləşməliyik. Məhz vergilər hesabına büdcə formalaşır. Büdcədən həm ölkənin təhlükəsizliyi ilə bağlı, həm də cinayətkarlara qarşı mübarizə ilə bağlı, təqaüdçülərin, müəllimlərin əmək haqqısının alınması ilə bağlı vəsaitlər ödənilir. Əsas bu istiqamətdə müdafiə olunan xərclər var. Bunlar məcburidir və ödənilməlidir. Təsəvvür edin ki, vergi azalır, vergidən yayınma var. Bu istər istəməz başqa sözlə desək, cəmiyyətin cibinə girmək deməkdir".


BiG.AZ xəbər verir ki, bu sözləri BiG.AZ-a açıqlamasında hüquqşünas Əliməmməd Nuriyev deyib. Onun sözlərinə görə, Vergidən yayınma ağır korrupsiya cinayəti hesab olunur.


"Şübhəsiz ki, Azərbaycan Respublikası "İnzibati Xətalar" məcəlləsində, həm də "Cinayət" məcəlləsində vergidən yayınmağa görə məsuliyyət nəzərdə tutulub. Cinayət hüququ təqib və məsuliyyəti buraya daxildir. Eyni zamanda bizim İqtisadiyyat Nazirliyi yanında yaradılmış Vergi Xidməti hər zaman vergi ödəyənləri əvvəlcədən xəbər edir ki, vergini vaxtında ödəyin. Hətta bir neçə dəfə xəbərdarlıq edir. SMS xəbərdarlığı gəlir. Kimsə əgər unudub ödəməyibsə bununla bağlı əvvəlcədən məlumatlat gəlir. Yetərli qədər qabaqlayıcı tədbirlər nəzərə tutulur. Ona görə hesab edirəm ki, bütün xəbərdarlıqlardan sonra, vergidən yayınma baş verirsə, deməli burada hansısa birbaşa vergidən yayınmağa cəhd yaranır. Əgər sənə zamanında xəbərdarlıq edirsə, vergini ödəmirsənsə bu nə deməkdir. Bu o zaman qəsdən törədilir. Əlbəttə ki, belə olan halda cinayət məsuliyyəti yarada bilir və yaradır".


Hüquqşünas bildirib ki, hər il eyni zamanda "Vergi" məcəlləsinə müxtəlif dəyişikliklər baş verir. Bu dəyişikliklər vergi ödəyicilərinin dairəsinin genişləndirilməsinə gətirib çıxarır:


"Müəyyən vergilərin azalması prosesi başlayır. Buda vergi ödəməni stimullaşdırır. Şəffaflıq və hesabatlılıq miqyasında, vergi xidmətində öz əksini tapıb. Hətta əgər hansısa bir vergi ödəyicisinə qarşı qeyri-rəsmi təhdidlər varsa, bununla bağlı kifayət qədər tədbirlər görülür. Vergi Xidmətində qaynar xətt fəaliyyət göstərir və bununla bağlı kifayət qədər məlumat var. Əgər vergi ilə bağlı hər hansı bir mübahisə varsa, bu da çox diqqətlə vergi xidmətində araşdırılır. Hesab edirəm ki, mövcud vergi ödəyicisi və onun məsuliyyətini artırmaqla bağlı, eyni zamanda daimi diqqətli yanaşmaq ilə bağlı, müvafiq vergi infrastrukturu tamamilə mövcud olmuşdur. Vergi inzibatçılığıda yüksək səviyyədə təşkil olunmaqdadır".


Əliməmməd Nuriyev qeyd edib ki, bizim vergi ödəyiciləri sadəcə olaraq çox rahatlıqla heç bir yerə getmədən öz ofisində bu ödəmələri həyata keçirə bilər:


"Buda müştəri məmnunluğu üçün mühüm şərtlərdən biridir. Sən vaxt itirmirsən. Əlavə xərclər çəkmirsən və vergi ödəməmək üçün ciddi əsaslar yoxdur. Əgər fırıldaqçılıq, dələduzluq ilə məşğul olacaqsa, vergidən yayınacaqsa, deməli burada başqa düşüncələrə düşmək, qeyri-formal əlaqələr nəzərdə tutulur. Buna görə də, əlbəttə ki, sərt məsuliyyət tədbirləri vardır və cinayət məsuliyyəti nəzərdə tutulub. Bu baxımdan vergini ödəməməj üçün ciddi əsaslar yoxdur. Nə sosial əsasları var, nə də iqtisadi əsasları var. Çünki normal vergi dərəcələri vardır. Sadəcə olaraq hər kəs məsələyə vidanla yanaşmalı və vergini ödəməlidir".


Sevda Səfərova