Azərbaycanda başı kəsilən qadın kənddə qızı ilə tək yaşayırmış - Açıqlama

Xəbər verdiyimiz kimi, bu gün səhər saatlarında Ucar rayonunun Qaradağlı kəndində dəhşətli hadisə baş verib. Belə ki, yaşayış məntəqəsindən keçən su arxında kənd sakini Həşimova Gülnaz Fuad qızının başı kəsilmiş meyiti tapılıb.

Bununla bağlı MAY.AZ saytı Qaradağlı kənd inzibati ərazi dairəsi üzrə nümayəndəsi Vüqar Zeynalov ilə əlaqə saxlayıb. O bildirib ki, Gülnaz kənddə qızı ilə birlikdə yaşayıb: "Atası ilə anası ayrılıb. Atası rəhmətə gedib. Bir qardaşı var, o da kənddə yaşayır. Onun yüngül həyat tərzi keçirməsi ilə bağlı iddialar var. Onun kim tərəfindən öldürülməsi barəsində hələlik heç bir məlumat yoxdur".

Aysel Yusifqızı